मत्ता व दायित्व विवरण पत्र भरणे बाबतची माहिती-राज्य शासकीय आणि निमशासकीय कर्मचाऱ्यांनासाठी

मत्ता व दायित्व विवरण पत्र भरणे बाबतची माहिती

 राज्य शासकीय निमशासकीय कर्मचाऱ्यांना ३१ मार्चच्या स्थितीस अनुसरून मत्ता व दायित्व प्रपत्र आपण ज्या कार्यालयात कार्यरत आहोत. त्या कार्यालयात जमा करायचे असतात.परंतु बरेच कर्मचारी हे प्रपत्र कार्यालयात जमा करत नाहीत

त्यामुळे पदोन्नती किंवा आर्थिक श्रेणीवाढ कर्मचाऱ्यांना देतांना अडचण निर्माण होऊ शकते.आज रोजी या पोस्टच्या माध्यमातून मत्ता व दायित्व (Assets and Liability) फॉर्म कसे लिहायचे त्याची माहीती करुन घेऊ त्यामुळे फार्म भरताना अडचण येणार नाही, 

 प्रपत्र-1    

अचल मालमत्तेचे विवरण

अचल मालमत्ता म्हणजे अशी संपत्ती जी हलवता येत नाही.ज्यात तुमचे घर,शेती,प्लॉट,बंगला,फ्लॅट किंवा दुकान ह्यांचा समावेश होत असतो.अचल मालमत्ता तुमच्या स्वत:च्या मालकीची असो किंवा तुम्हाला वंशपरंपरेने,वडिलोपार्जित मिळाली असेल किंवा कोणी भेट  दान,इनाम अथवा नजराना म्हणून दिली असेल त्या सर्व मालमत्तेचा उल्लेख आपल्याला अचल मालमत्ता प्रपत्र-1 भरताना करावयाचा असतो.

टीप :- (१) स्तंभ ४ मध्ये खालील बाबी दर्शविण्यात याव्यात.

(अ)जेथे खरेदी,गहाण किंवा लीजद्वारे मालमत्ता संपादन करण्यात आली असेल तेथे अशा संपादनासाठी दिलेली किंमत किंवा प्रिमियम (चढताभाव)

(ब) ती लीजद्वारे ( भाडेपटटीद्वारे ) संपादित करण्यात आली असेल तर तिचे वार्षिक भाडे आणि

क) जर वारसा,भेट किंवा अदलाबदल करून ती संपादन काण्यात आली असेल तर संपादन केलेल्या मालमत्तेचे अंदाजित मूल्य.

(२) जर शासकीय कर्मचारी हा हिंदू अविभक्त कुटुंबातील असून त्या कुटुंबाच्या संपत्तीमध्ये त्याचे कर्ता म्हणून किंवा कुटुंबिय म्हणून समवायता अधिकार असतील तर त्याने अशा संपत्तीतील त्याच्या हिश्यांचे मूल्य दर्शवावे किंवा अशा हिश्यांचे नेमके मूल्य दर्शवणे शक्य नसल्यास त्याने त्याचे अंदाजे मूल्य नमूद करावे. आवश्यक तेथे योग्य अशा स्पष्टीकरणात्मक टिपा जोडाव्यात.

  प्रपत्र-2                

  चल मालमत्तेचे विवरण

टीप :- (१ )सदर प्रपत्रात खालील बाबींचा समावेश असावा.

(अ) सर्व रोकड सुलभ मत्ता, जसे रोकड, सर्व प्रकारची बँक खाती जसे,लोकल बॅंक,जिल्हा मध्यवर्ती बँक,राष्ट्रीयीकृत बँक खाती,आवर्त ठेव खाती, मुदतबंद ठेवी, कॅश सर्टिफिकेट, सार्वजनिक भविष्य निर्वाह निधी खाती, सक्तीच्या बचत ठेवींची खाती ( आयकर दात्यांसाठी पोष्ट ऑफिस बचत खाती, पोष्ट ऑफिस मुदतबंद ठेवींची खाती, राष्ट्रीय बचत प्रमाणपत्रे, सामाजिक सुरक्षा प्रमाणपत्रे, मुदतीच्या आवर्त ठेवी, शेअर्स, कर्ज रोखे, युनिट ट्रस्ट ऑफ इंडियाची युनिट, हुंडया, राज्य शासकीय निमशासकीय कर्मचारी पतसंस्था कर्जे व बॅंक कर्ज इत्यादी सर्व प्रकरणी ठेवीची रक्कम, मूल्य, दर्शनी मूल्य इत्यादी माहिती नमूद करावी.

(ब) सर्वसाधारण भविष्य निर्वाह निधी / अंशदायी भविष्य निर्वाह निधी, जीवन विमा पॉलिसी, पोष्टल विमा

पॉलिसी,सर्वसाधारण भविष्य निर्वाह निधीतील / अंशदायी भविष्य निर्वाह निधीतील जमा रक्कम व प्रत्येक

विमा पॉलिसीद्वारे आश्वासित असलेली रक्कम दर्शविण्यात यावी..

(क) जडजवाहीर ( एकूण मूल्य दर्शवावे. )

(ड) सोने,चांदी,हिरे,माणिक मोती,रत्न व इतर बहुमोल धातू व जडजवाहीर मोडत नसलेली मौल्यवान रत्ने ( सर्वाचे आजचे एकूण मूल्य अथवा किंमत) आणि

(इ) इतर जंगम मालमत्ता जसे की, 

• मोटार गाडया,
• दुचाकी स्कूटर्स / मोटार सायकल
• रिक्षा
• कार
• जीप,
• ट्रक
• टेम्पो
• रेफ्रिजरेटर,
• एअरकंडिशनर,
• वॉशिंग मशिन
• रेडिओ / रेडिओ कम टेपरेकॉर्डर,
• टी.व्ही.सेट ( दूरचित्रवाणी संच ), 
• भ्रमणध्वनी,
• संगणक,
• लॅपटॉप 

ज्याची किंमत रु. २०००/- पेक्षा जास्त आहे अशा इतर वस्तू ( रोजच्या वापरातील म्हणजे कपडे, भांडी, पुस्तके, काच सामान इत्यादी वस्तू वगळून ) प्रत्येक वस्तूचे वेगवेगळे मूल्य किंमत दर्शविण्यात यावे.

(२) वरील टीप

 (१) (अ) मध्ये दर्शविलेल्या रोकड सुलभ मत्तेबाबत टीप

 (१) (ब) मध्ये दर्शविलेल्या भविष्य निर्वाह निधी / अंशदायी भविष्य निर्वाह निधी आणि विमापत्रे ( इन्शूरन्स पॉलिसीज ) याबाबतचे वर्णन स्तंभ २ मध्ये नमूद करावे. ( बँकेचे नाव,पत्ता,(बॅंक पासबुकच्या प्रथम पृष्ठावर आहे.) पोष्ट ऑफिसचा पत्ता, युनिट ट्रस्ट ऑफ इंडियाच्या शाखेचा पत्ता, कंपनी / फर्म / ॠणको यांचे पत्ते ) इत्यादी पूर्ण तपशिल स्तंभ ३ मध्ये नमूद करण्यात यावा.

(३) भाडे खरेदी तत्वावर व हप्तेबंदीवर घेतलेल्या वस्तूंच्या पोटी हे विवरण सादर करण्याच्या दिनांकापर्यत भरलेली रक्कम नमूद करावी.

प्रपत्र  - 3

   दायित्वाचे विवरण पत्र

टिपा:--

 (१) दोन महिन्यांच्या मूळ वेतनाच्या रकमेपेक्षा अधिक नसणारी प्रत्येक कर्जाची रक्कम नमूद करण्याची आवश्यकता असणार नाही.

(२) या विवरणपत्रात वाहन खरेदीसाठी अग्रिम, घरबांधणीसाठी अग्रिम (वेतन अग्रिम आणि प्रवास भत्याचे अग्रिम, सर्वसाधारण भविष्य निर्वाह निधीतून घेण्यात आलेली परतावा-नापरतावा अग्रिमे आणि विमा पत्रावर आणि कायम ठेवीवर काढलेली अग्रिम याव्यतिरीक्त) इत्यादी सारख्या शासकीय कर्मचाऱ्याने घेतलेल्या कर्जाच्या अग्रिमांचाही अंतर्भाव करावा.

मत्ता व दायित्व विवरण पत्रसाठी-येथे क्लिक करा 

मत्ता व दायित्व GR- येथे क्लिक करा 

संकलन:-श्री.एन.के.राठोड

आयटीआय संबंधित अधिक माहिती साठी तुम्ही आम्हाला इतर सोशल मीडियावर फॉलो करू शकता... 

Website- https://www.nkrathod.in

Facebook- https://www.fb.com/nkrathod.in

Twitter- https://www.twitter.com/nkrathod_in

Instagram- https://www.instagram.com/nkrathod.in

आयटीआय बद्दल सर्व काही फ्क्त एक क्लिक दूर...प्रवेशा बद्दल महिती, परीक्षा बाबत माहिती, NCVT प्रमाणपत्र बाबत माहिती,रोजगार बाबत माहिती एकाच जागेवर...

YouTube- https://www.youtube.com/nkrathod